Në Rinas rinis puna/Avionët që nisen pas pak

08:39 | 9 Prill 2021
Arbresh.info

Puna në Aeroportin Ndërkombëtar “Nënë Tereza” në Rinas duket se po i kthehet normalitetit.

Pas gati dy ditësh bllokimi për shkak të grevës së kontrollorëve që nuk pranojnë uljen e pagës, mëngjesin e sotëm ka nisur normalisht puna me pasagjerët që fluturojnë drejt disa shteteve të Bashkimit Europian.

Siç raporton nga Rinasi Ora News, janë futur në terminal pasagjerët e avionit me destinacion Bolonian e që është programuar të niset në ora 09:05, ndërsa po bëjnë “chek in” edhe pasagjerët e dy avionëve drejt Brukselit, me orare 09:35 dhe 09:45.

Kujtojmë se mëngjesin e së mërkurës u bllokuan fluturimet në aeroportin e Rinasit ndërkohë që dje pasdite rifilluan ato esenciale që përfshijnë fluturimet humanitare, diplomatike, ushtarake dhe shëndetësore.

Deri tani, Policia ka arrestuar tre kontrollorë të trafikut ajror, kreun e sindikatës, Armando Fezga, Flora Ndreca, përgjegjëse e turnit dhe Muhin Mezini.

Shpërndaje në rrjete sociale

Lajmet më të lexuara

Të ngjashme

Foto lajm